શિખર ધવને આંતરરાષ્ટ્રીય ક્રિકેટમાંથી જાહેર કરી નિવૃત્તિ, ઇમોશનલ વીડિયો પોસ્ટ કરીને કહ્યું; બાળપણનું જે સપનું હતું એ પૂરું થયું...

Shikhar Dhawan Announsed Retirement From International And Domestic Cricket : ટીમ ઈન્ડિયાના ઓપનર શિખર ધવને આંતરરાષ્ટ્રીય ક્રિકેટના ત્રણેય ફોર્મેટમાંથી સંન્યાસ લઈ લીધો છે. તેણે સોશિયલ મીડિયા પર એક વીડિયો પોસ્ટ કરીને આ માહિતી આપી હતી. તેણે વર્ષ 2022માં બાંગ્લાદેશ સામે ODIમાં તેની છેલ્લી આંતરરાષ્ટ્રીય મેચ રમી હતી. ત્યારથી તે આંતરરાષ્ટ્રીય ક્રિકેટમાંથી બહાર હતો. પોતાની નિવૃત્તિનો વીડિયો પોસ્ટ કરતા શિખરે લખ્યું- હું મારી ક્રિકેટ સફરના આ પ્રકરણનો અંત કરી રહ્યો છું, હું મારી સાથે અગણિત યાદો અને કૃતજ્ઞતા લઈને જઈ રહ્યો છું. પ્રેમ અને સમર્થન બદલ આભાર! જય હિન્દ...

શિખર ધવને નિવૃતિના અંગેના વીડિયોમાં શું કહ્યું?

શિખર ધવને 1 મિનિટ 17 સેકન્ડના વીડિયોમાં કહ્યું- બધાને નમસ્કાર... આજે હું એવા વળાંક પર ઊભો છું. જ્યાંથી પાછળ જુઓ ત્યારે તમને માત્ર યાદો જ દેખાય છે, અને આગળ જુઓ ત્યારે તમે આખી દુનિયા જોઈ શકો છો... મારું હંમેશાં એક જ લક્ષ્ય હતું, ભારત માટે રમવાનું. જે પૂરું થયું, આ માટે હું ઘણા લોકોનો આભાર માનું છું, સૌ પ્રથમ મારા પરિવારનો, મારા બાળપણના કોચ તારક સિંહા જી...મદન શર્મા જી, જેમની અંડર હું ક્રિકેટ શીખ્યો છું.

"કહાનીમાં આગળ વધવા માટે પાના ફેરવવા જરૂરી"

ગબ્બરે આ વીડિયોમાં ટીમ ઈન્ડિયામાં રમવાના અનુભવ વિશે આગળ વાત કરી. ધવને કહ્યું- ટીમમાં રમ્યા બાદ મને મારા ફેન્સનો પ્રેમ મળ્યો. પરંતુ કહેવાય છે ને કે કહાનીમાં આગળ વધવા માટે પાના ફેરવવા જરૂરી છે. હું પણ એ જ કરવા જઈ રહ્યો છું. આ વાક્ય બોલતાની સાથે જ શિખર ધવને આંતરરાષ્ટ્રીય અને સ્થાનિક ક્રિકેટમાંથી નિવૃત્તિ લેવાનો નિર્ણય જાહેર કરી દીધો.

"હું દેશ માટે રમ્યો એનો મને સંતોષ"

શિખર ધવને આ વીડિયો સંદેશમાં એ પણ કહ્યું હતું કે તેને સંતોષ છે કારણ કે તે દેશ માટે ક્રિકેટ રમ્યો. ધવને કહ્યું- હું BCCI (ભારતમાં ક્રિકેટ કંટ્રોલ બોર્ડ) અને DDCA (દિલ્હી અને ડિસ્ટ્રિક્ટ ક્રિકેટ એસોસિયેશન)નો ખૂબ આભારી છું, જેમણે મને તક આપી અને તમામ ચાહકોને... હું પોતાને પણ એ જ કહી રહ્યો છું કે- મારે એ વાતથી દુઃખી થવાની જરૂર નથી કે હું દેશ માટે હવે નહીં રમું. પરંતુ એ વાતની ખુશી હું મારી સાથે રાખું કે હું દેશ માટે ખૂબ રમ્યો અને એ જ મારી માટે સૌથી મોટી વાત છે.

2010માં ODI ટીમમાં, 2013માં ટેસ્ટ ટીમમાં જગ્યા મળી

શિખરે 2010માં ઓસ્ટ્રેલિયા વિરૂદ્ધ વન-ડેમાં આંતરરાષ્ટ્રીય ક્રિકેટમાં પ્રવેશ કર્યો હતો. 2011માં શ્રીલંકા સામે T20માં ડેબ્યૂ કર્યું હતું. જ્યારે ટેસ્ટમાં તેને વર્ષ 2013માં આંતરરાષ્ટ્રીય મેચ રમવાની તક મળી હતી. શિખરે અત્યાર સુધી રમાયેલી 34 ટેસ્ટમાં 40.61ની એવરેજથી 2315 રન બનાવ્યા છે. જ્યારે 167 ODI મેચમાં તેણે 44.11ની એવરેજથી 7436 રન બનાવ્યા હતા. તે જ સમયે, 68 T-20 મેચમાં, તેણે 27.92 ની સરેરાશથી 1759 રન બનાવ્યા છે.

શિખર ધવનની આઈપીએલમાં કારકિર્દી

શિખર IPLની પ્રથમ સિઝનથી જોડાયેલો છે. નિવૃત્તિની ઘોષણા કરતી વખતે તેણે IPL રમવા કે ન રમવા અંગે કંઈ કહ્યું ન હતું, જેનાથી લાગે છે કે તે IPL રમવાનું ચાલુ રાખી શકે છે. 2008ની પ્રથમ સિઝનમાં, તેણે રાજસ્થાન રોયલ્સ સામે દિલ્હી માટે તેની પ્રથમ મેચ રમી હતી. છેલ્લી મેચ પંજાબ કિંગ્સ દ્વારા 2024માં સનરાઈઝર્સ હૈદરાબાદ સામે રમાઈ હતી. આ સિઝનમાં તે ઈજાના કારણે ઘણી મેચ રમી શક્યો નહોતો.

2012માં લગ્ન, 2023માં છૂટાછેડા એક પુત્ર 'જોરવાર'

2012માં શિખર ધવને તેના કરતા 10 વર્ષ મોટી મહિલા આયશા મુખર્જી સાથે લગ્ન કર્યા. આયેશાને પહેલેથી જ બે દીકરી હતી. બંને વચ્ચે ફેસબુક પર મિત્રતા થઈ હતી જે પ્રેમમાં પરિણમી હતી. તેમના પુત્ર જોરાવરનો જન્મ 2014માં થયો હતો. 4 ઓક્ટોબર, 2023ના રોજ દિલ્હીની ફેમિલી કોર્ટે છૂટાછેડાને મંજૂરી આપી હતી. કોર્ટે સ્વીકાર્યું કે આયેશાએ શિખરને માનસિક ક્રૂરતાનો શિકાર બનાવી હતી. કોર્ટે છૂટાછેડાની અરજીમાં ધવનના આરોપોને આ આધાર પર મંજૂરી આપી હતી કે આયેશાએ કાં તો તેમનો વિરોધ કર્યો ન હતો અથવા પોતાનો બચાવ કરવામાં નિષ્ફળ રહી હતી.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , Shikhar Dhawan Announsed Retirement From International And Domestic Cricket , Sports News Latest In Gujarati

As I close this chapter of my cricketing journey, I carry with me countless memories and gratitude. Thank you for the love and support! Jai Hind! 🇮🇳 pic.twitter.com/QKxRH55Lgx

— Shikhar Dhawan (@SDhawan25) August 24, 2024